,, চাপাগুড়ি তে গির্জ্জা শুভ উন্মোচন
চিৰাঙৰ চাপাগুৰিত নৱ নিৰ্মিত কেথলিক গীৰ্জাৰ শুভ উদ্বোধন
কাজলগাঁও, ৩ ফেব্ৰুৱাৰীঃ চিৰাং জিলাৰ ছাপাগুৰিত কালি খ্ৰীষ্টান ধৰ্মাৱলম্বী লোকসকলৰ উপাসনাৰ স্থল নৱ নিৰ্মিত কেথলিক গীৰ্জা এটিৰ শুভ উদ্বোধন কৰা হয় ৷ বহু সংখ্যক ধৰ্ম যাজকৰ উপস্থিতিত ধৰ্মীয় নীতিৰে এই কাৰ্য অগণন ধৰ্মীয় লোকৰ অংশ গ্ৰহণেৰে কাৰ্য সমাপন কৰা হয় ৷ উল্লেখ্য যে, প্ৰায় এক কোটি টকা ব্যয় সাপেক্ষে আটকধুনীয়াকৈ নিৰ্মাণ কৰি উলিওৱা খ্ৰীষ্টান ধৰ্মাৱলম্বী লোক সকলৰ এই কেথলিক গীৰ্জাৰ উদ্বোধনী অনুষ্ঠানত উপলক্ষে এক উখল-মাখল পৰিৱেশে বিৰাজ কৰে । এই শুভ অনুষ্ঠানত উত্তৰ পূৰ্বাঞ্চলৰ পৰা অহা খ্ৰীষ্টান ধৰ্মীয় ধৰ্মযাজক সকল উপস্থিতিত গুৱাহাটী আৰ্চ বিছপ জন মুলাচিৰাই য়ে ধৰ্মীয় ৰীতি-নীতিৰ মাজেৰে এই কেথলিক গীৰ্জাৰ দ্বাৰ উদ্বোধন কৰে । উদ্বোধন কৰি ধৰ্মযাজক গৰাকীয়ে অসমত বসবাস কৰা সকলো জাতি জনগোষ্ঠীৰ লোকসকলৰ মাজত শান্তি আৰু একতা গঢ়ি বৰ্তাই ৰাখি এনাজৰী অধিক মজবুত হৈ উঠাৰ আশা ব্যক্ত কৰে।
কোন মন্তব্য নেই